Իմ սիրտը միշտ կմնա ձեզ հետ. Արգենտինայի դեսպանը հրաժեշտի գրառում է արել՝ հրապարակելով Արարատի լուսանկարները
Հայաստանում Արգենտինայի արտակարգ և լիազոր դեսպան Մարիանո Վերգարան հայտնել է մեր երկրում իր ծառայությունն ավարտելու և այստեղից հեռանալու մասին: Հատկանշական է, որ հրաժեշտի գրառմանը նա կցել է Արարատի լուսանկարները՝ արված ինքնաթիռից:
«Շուրջ 3 տարվա ծառայությունից հետո ես այսօր վերջնականապես հեռացա Հայաստանից։ Ինքնաթիռի պատուհանից Արարատին նայելիս՝ մտածում եմ՝ ամեն ինչ արել եմ չափազանց դժվար ժամանակներում Արգենտինան ներկայացնելու համար։ Մաղթում եմ ամենալավը քաջ և տոկուն հայ ժողովրդին։ Իմ սիրտը միշտ կմնա ձեզ հետ»,- X-ի միկրոբլոգում գրել է Վերգարան:
