Բաքվում Վագիֆ Խաչատրյանի «գործով» դատական ֆարս է տեղի ունենում
Այս ամառ Լաչինի միջանցքում ադրբեջանցիների կողմից առևանգված Լեռնային Ղարաբաղի քաղաքացի Վագիֆ Խաչատրյանի «գործով» Բաքվում դատական ֆարս է տեղի ունենում։
Ադրբեջանական լրատվամիջոցների փոխանցմամբ՝ գործը վարում է Բաքվի ռազմական դատարանի դատավոր Ջամալ Ռամազանովը։ Նախապատրաստական դատական նիստն անցկացվում է հոկտեմբերի 13-ին։
Շինծու գործով «տուժող» է համարվում 59 անձ։ Խաչատրյանը եղել է Արցախյան առաջին պատերազմի մասնակից, ինչի պատճառով էլ Ադրբեջանի իշխանությունները նրան մեղադրում են առանձնապես ծանր հանցագործությունների մեջ։
Հիշեցնենք, որ Խաչատրյանին առևանգել էին ԿԽՄԿ-ի ուղեկցությամբ Լաչինի միջանցքն անցնելիս։
