Ադրբեջանի ՄԻՊ-ն այցելել է Ռուբեն Վարդանյանին
Ադրբեջանի ՄԻՊ-ն այցելել է Արցախի Հնարապետության նախկին պետնախարար, գործարար, բարերար Ռուբեն Վարդանյանին, նրան հնարավորություն է տրվել կապ հաստատել ընտանիքի հետ:
Այս մասին տեղեկանում ենք ԱՊԱ գործակալությունից:
«Նա գոհունակություն է հայտնել պահման պայմաններից, նշել, որ ենթարկվել է նախնական բժշկական զննության, առողջական խնդիրներ չկան։
Ապահովվել է հեռախոսազրույց ընտանիքի անդամների հետ, ծանրոցների առաքում, գրադարանից օգտվել և տեղեկատվության հասանելիություն»,-ասված է Ադրբեջանի գերատեսչության հաղորդագրության մեջ։
Նշվում է նաև, որ հետաքննության ընթացքում Ռուբեն Վարդանյանի իրավունքների պաշտպանությունն իրականացնում է նրա ընտանիքի կողմից ընտրված փաստաբանը։
Հիշեցենք, որ Ռուբեն Վարդանյանին ադրբեջանցիները երեկ բերման են ենթարկել Լաչինի միջանցքում։
Բաքուն Ռուբեն Վարդանյանին «ահաբեկչությունը ֆինանսավորելու» մեղադրանք է առաջադրել։