Իրանի նախագահը ծրագրում է այցելել Թուրքիա և Սիրիա
Իրանի նախագահ Էբրահիմ Ռաիսին ծրագրում է այցելել Թուրքիա և Սիրիա։ Այդ մասին երկուշաբթի օրը հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Նասեր Քանանի Չաֆին:
«Նախատեսվում է Իրանի նախագահի այցը Թուրքիա և Սիրիա։ Այդ ուղևորությունները տեղի կունենան պլանների վերջնական լրամշակումից հետո»,-նրա խոսքերը մեջբերել է ISNA-ը։
Նախատեսվող այցերի ժամկետի մասին ԱԳՆ ներկայացուցիչը չի հայտնել։
Իրանն ու Թուրքիան Ռուսաստանի հետ կազմում են Աստանայի երկրների եռյակը՝ Սիրիայում խաղաղ կարգավորման երաշխավորները: