Ստորագրել եմ ևս 100 նոր ավտոբուսի և 100 վերելակի գնման հայտերը․ շնորհակալ եմ ձեր արձագանքի և ջերմ խոսքերի համար․ Հայկ Մարության
Երևանի քաղաքապետ Հայկ Մարությանը ֆեյսբուքյան գրել է․ «Սիրելի երևանցիներ, սիրելի հայրենակիցներ,
Շնորհակալ եմ ձեր արձագանքի և ջերմ խոսքերի համար։
Հ.Գ. Ես էլ ձեր տրամադրությունը բարձրացնեմ։ Ստորագրել եմ ևս 100 նոր ավտոբուսի և 100 վերելակի գնման հայտերը։
Հաջորդ տարի կունենանք արդեն ընդհանուր 1000 հատ փոխարինված վերելակ, իսկ քաղաքային տրանսպորտի պարկը թարմացրած կլինենք ավելի քան 60 %-ով՝ ունենալով արդեն շուրջ 520 նոր ավտոբուս»։
Հիշեցնենք, որ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել:
«Անհրաժեշտ 33 ստորագրությունից նախնական տվյալներով 39-ն արդեն կա», – հայտնել էր ավագանու իշխող խմբակցության անդամ Արմեն Կոտոլյանը։
Նա նաև տեղեկացրել է, որ ստորագրողներից մեկն էլ ինքն է և կողմ է գործընթացին։
Թե ինչու է խմբակցությունը նման գործընթաց սկսել, Կոտոլյանը չի մանրամասնել։