Թույլ չենք տա սիոնիստական ռեժիմին, որպեսզի լրտեսական գործունեություն իրականացնի Ադրբեջանում. Իրանի արտգործնախարար
Իրանի արտաքին գործերի նախարար Հոսեյն Ամիր Աբդոլլահիանը Բեյրութ կատարած այցից հետո կայացած մամուլի ասուլիսի ժամանակ անդրադարձել է իրանա-ադրբեջանական հարաբերություններին, հաղորդում է IRNA-ն:
«Իսրայելական հետախուզության ներկայությունն Ադրբեջանում ձեռնտու չէ այս երկրին: Մենք թույլ չենք տա, որ սիոնիստական ռեժիմը լրտեսական գործունեություն իրականացնի հարևանությամբ», – ասել է նախարարը:
Նա ընդգծել է, որ սիոնիստական ռեժիմը չափազանց փոքր է, որպեսզի Իրանի համար սպառնալիք ստեղծի:
