ԵՄ-ը հայտարարել է, որ չի կարող անվտանգության երաշխիքների տրամադրել Ուկրաինային
Ուկրաինային անվտանգության երաշխիքների տրամադրումը Եվրամիության իրավասությունը չէ, օգոստոսի 8-ին հայտարարել է ԵՄ արտաքին ծառայության պաշտոնական ներկայացուցիչ Պետեր Ստանոն։ Տեղեկացնում է «ՌԻԱ Նովոստի»-ն:
«Մենք անվտանգության կազմակերպություն չենք։ Սա քննարկում է ՆԱՏՕ-ի և առանձին երկրների համար, բայց ոչ ԵՄ-ի՝ որպես կազմակերպության համար»,- պարզաբանել է Ստանոն:
Նա նշել է, որ Եվրամիությունն աջակցում է Ուկրաինային մի քանի ոլորտներում, այդ թվում՝ ռազմական ոլորտում, օրինակ՝ ֆինանսավորելով զենքի մատակարարումը ռուսական ագրեսիայից պաշտպանվելու համար։ Ինչ վերաբերում է կոնկրետ անվտանգության երաշխիքներին, «մենք կարող ենք աջակցել դրանց, բայց ԵՄ-ն ինքնին անվտանգության երաշխավոր չէ», – ասել է Պետեր Ստանոն։ «Դա անդամ պետությունների իրավասությունն է, որոնք ունեն նման երաշխիքներ առաջարկելու միջոցներ», – եզրափակել է նա:
