Բաքվում Իրանի դեսպանը պատասխանել է ադրբեջանցի գործընկերոջ սադրանքին
Ադրբեջանում Իրանի դեսպան Աբբաս Մուսավին Twitter-ում չի անտեսել Իրանում Ադրբեջանի դեսպան Ալի Ալիզադեի սադրանքին։ Վերջինս հրապարակել է երեկոյան Թավրիզի լուսանկարը և մակագրել. «Թավրիզի երեկոները նույնպես գեղեցիկ են»:
Հիշեցնենք, որ Ադրբեջանում ակտիվացել է Իրանում թյուրքական անջատողականության քարոզչությունը։ Բաքուն հավակնում է Իրանի տարածքներին՝ դրանք անվանելով «Հարավային Ադրբեջան», իսկ Թավրիզը՝ ադրբեջանական քաղաք։
Բաքվում Իրանի դիվանագիտական առաքելության ղեկավարն իր հերթին Twitter-ում հրապարակել է թաթերեն խոսող Լահիչից տարեց տղամարդու հետ զրույցի տեսագրությունը։
Նշենք, որ թաթերենը հնդեվրոպական լեզվաընտանիքի իրանական խմբի հարավարևմտյան լեզուներից մեկն է։ Որոշ գիտնականներ այն համարում են պարսկերենի հետ կապված, մյուսները դասում են պարսկերենի բարբառների շարքին։
Այսպիսով, Մուսավին հիշեցրել է Ադրբեջանի դեսպանին և նրա ղեկավարությանը, թե ով է ներկայիս Ադրբեջանի իրական տերը, և որ Իրանի համար այս զգայուն հարցը չպետք է բորբոքվի։
