Սեպտեմբերի վերջին շաբաթ օրը ՀՀ-ում կնշվի Ազգային փոքրամասնությունների օր. խորհրդարանն ընդունեց նախագիծը
ԱԺ-ը առաջին ընթերցմամբ ընդունեց «Իմ քայլը» խմբակցության եզդի պատգամավոր Ռուստամ Բաքոյանի ներկայացրած օրենքի նախագիծը, որով առաջարկվում է սեպտեմբերի վերջին շաբաթ օրը նշել որպես ՀՀ ազգային փոքրամասնությունների օր:
«Տոների և հիշատակի օրերի մասին» օրենքում լրացում կատարելու մասին օրենքի նախագիծն ԱԺ նիստում քվեարկությամբ ստացավ 101 կողմ ձայն:
«Առաջարկում եմ սեպտեմբերի վերջին շաբաթ օրը նշել որպես ՀՀ ազգային փոքրամասնությունների օր»,- ասաց պատգամավորը:
Բաքոյանը ԱԺ-ում նախագիծը ներկայացնելիս նշել էր, որ Ազգային փոքրամասնությունների կարևորությունը ՀՀ-ում նաև արտահայտվում է Սահմանադրությամբ: Հայաստանում գործում է ազգային փոքրամասնությունների խորհուրդ:
