Վերջին օրերը հիշեցնում էին բոլշևիկյան ժամանակահատվածի առաջին շրջանը. Արծվիկ Մինասյան
«Տևական ժամանակ է՝ նիկոլական իշխանությունը տարբեր ձևերով հարձակվում է ՀՅԴ-ի վրա՝ օգտագործելով ամենատարբեր մեթոդները, բայց ձեռագիրը նույնն է: Նրանք կեղծիքի, ստի և քաղաքական հալածանքների միջոցով, օրինականության շղարշի քողի տակ փորձում են ներկայացնել մեղադրանքներ»,- այսօր ՀՅԴ մամուլի ասուլիսի ժամանակ հայտարարեց ԱԺ «Հայաստան» խմբակցության քարտուղար Արծվիկ Մինասյանը։
«Բոլոր հնարավոր մեթոդները կիրառում են, որպեսզի արհեստական կեղծ քրեական գործեր հարուցեն, հարձակում են կազմակերպում կուսակցության գրասենյակի նկատմամբ։ Իրականացվել են մասշտաբային ապօրինի խուզարկություններ, ձերբակալություններ։ Այս պահի դրությամբ՝ նիկոլական քննչական համակարգի, իրենց վերահսկողության տակ գտնվող դատավորների կողմից կայացվել է հինգ կալանքի որոշում, ընդ որում՝ տեսակցությունների սահմանափակում է գործում: Ունենք 3 տնային կալանք, 1 գրավով և 1 բացակայելու արգելքով խափանման միջոցով անձ՝ միայն Վայոց Ձորում»,-նշեց նա։
Պատգամավորն ընդգծեց, որ վերջին օրերը հիշեցնում էին բոլշևիկյան ժամանակահատվածի առաջին շրջանը:
«Թշնամանք սերմանելուն զուգահեռ՝ ամբողջ համակարգը լծված է «Տավուշը հանուն հայրենիքի» շարժումը վարկաբեկելուն»,-շեշտեց Արծվիկ Մինասյանը։
