ԵՊՀ-ում դասադուլ է․ ԵՊՀ ուսանողական խորհուրդը միանում է «Տավուշը հանուն հայրենիքի» շարժմանը
«Ուսանող, ոտքի» կոչերով ԵՊՀ ուսանողները դասադուլի և Բագրատ Սրբազանի նախաձեռնած «Տավուշը հանուն հայրենիքի» շարժմանը միանալու կոչեր են անում: Ուսանողները շրջում են համալսարանի միջանցքով ու դասին մասնակցող սակավաթիվ ուսանողներին հորդորում միանալ իրենց:
«Մենք համալսարանականներ ենք, բոլորս մի համայնքի մաս ենք: Մենք խնդրում ենք, որ ունենաք դիրքորոշում, անտարբեր չլինեք»,- դիմելով ուսանողներին` նշեց ԵՊՀ հոգաբարձուների խորհրդի անդամ Դավիթ Ափոյանը:
Իրավագիտության ֆակուլտետի դեկանը դասադուլի մասնակիցներին ասել է, որ Իրավագիտության ֆակուլտետը դասի չէ և ֆակուլտետում դաս չկա:
Հիշեցնենք, որ երեկ Հանրապետության հրապարակում խոսելով անելիքների մասին՝ Բագրատ Սրբազանը բոլոր ուսանողներին հորդորեց այսօրվանից դասադուլ սկսել։
