Հայաստանում մեկնարկել է Իրանի դեմ քարոզչական արշավ. ովքեր են հիմնական շահառունները
Հայաստանում մեկնարկել է Իրանի դեմ քարոզչական արշավը։ Դրա առաջնագծում են կամ իշխանամետ տեղեկատվական ռեսուրսներն ու հանրային անհատները, կամ նրանք, ովքեր բացահայտ դեմ չեն գործող ռեժիմին և ակտիվորեն համագործակցում են նրա հետ։ Այս մասին գրել է «Հայկական նախագիծ» գիտակրթական հասարակական կազմակերպության համահիմնադիր, արևելագետ, իսրայելագետ Սերգեյ Մելքոնյանը:
Քարոզչության հիմնական մեսիջները
- Իրանը Ադրբեջանի բարեկամն է, ուստի Հայաստանին օգնելու մտադրություն չունի։
- Իրանը ցանկանում է գրավել Հայաստանի հարավային շրջանները և պատրաստ է համաձայնության գալ Բաքվի և Անկարայի հետ։
- Իրանը Հայաստանից պահանջում է ռազմաբազա ստեղծել իր տարածքում։ Իսկ որպեսզի դա ցանկանա նաև Հայաստանը, պետք է հայտնվի մի իրավիճակում, երբ ի վիճակի չէ պաշտպանվել։
- Իրանը ոչ մի բանի ընդունակ չէ, ուստի նրա հետ համագործակցությունը խորացնելն իմաստ չունի։
- Իրանը շահագրգռված չէ տարածաշրջանում հաղորդակցությունների ապաշրջափակմամբ։ Եթե դա տեղի չունենա, Հայաստանը կմնա շրջափակման մեջ։
- Իրանը միտումնավոր խոչընդոտում է Հայաստանին զենք մատակարարելուն, որպեսզի այն թույլ լինի և ընկնի իրենից կախվածության մեջ։
Բոլոր նման թեզերը կամ կեղծ են, կամ մանիպուլյատիվ։
Կարևոր է ուշադրություն դարձնել․․․
- Նման թեզեր են տարածում հարթակները և անհատները, որոնք ավանդաբար զբաղվում են հակառուսական քարոզչությամբ։
- Նման տեղեկատվության հիմնական նպատակը Հայաստանում հակաիրանական տրամադրություններ առաջացնելն է, ինչը կարդարացնի ղեկավարության որոշումը՝ հեռանալ Թեհրանից, իսկ հետագայում հանդես գալ նրա դեմ։
- Նման որոշումները նպատակ ունեն արդարացնել Իրանի հետ ռազմատեխնիկական համագործակցությունից հրաժարվելը։
Նման արտաքին քաղաքական գծի հետևանքները շատ պարզ են. Եթե Հայաստանը շարունակում է խզել հարաբերությունները Ռուսաստանի հետ, միտումնավոր վատացնում է հարաբերությունները Իրանի հետ, ապա տարածաշրջանային միակ ուժը, որը կլցնի վակուումը, Թուրքիան է։
Այսպիսով, այս քարոզչության հիմնական շահառուն Թուրքիան և Ադրբեջանն են։ Սա այն հարցի պատասխանն է, թե ում շահերն են սպասարկում այդ սուբյեկտները։