Պուտինի ու Էրդողանի հանդիպման օրակարգը հայտնի է
Թուրքիայի և Ռուսաստանի նախագահներ Ռեջեփ Թայիփ Էրդողանի և Վլադիմիր Պուտինի հանդիպման օրակարգում կարող են ընդգրկվել ուկրաինական կարգավորման թեման, հացահատիկի գործարքը թարմացնելու Անկարայի նախաձեռնությունները և տարածաշրջանային խնդիրները։ Այս մասին հայտնում է թուրքական դիվանագիտական աղբյուրը, փոխանցում է «ՌԻԱ Նովոստի»-ն։
«Իհարկե, օրակարգում կլինի ուկրաինական թեմա, դուք գիտեք այս ուղղությամբ պարոն նախագահի (Էրդողանի – խմբ.) միջնորդական ջանքերի մասին, կողմերին բազմիցս կոչ է արվել վերսկսել ստամբուլյան խաղաղ գործընթացը: Սևծովյան հացահատիկի նախաձեռնության մասով, որը դադարեցրել է աշխատանքը, պարոն նախագահն արդեն հայտարարել է՝ մտադիր է Վլադիմիր Պուտինի հետ քննարկել այն վերսկսելու նախաձեռնությունը: Իհարկե, կա տարածաշրջանային օրակարգ, երկկողմանի խնդիրներ: Ընդհանուր առմամբ, առաջնորդները ունեն բավական լայն օրակարգ»,- ասել է գործակալության զրուցակիցը։
