Շիրակցիներին հայհոյող պարեկների վերաբերյալ ծառայողական քննություն է կատարվում
Պարեկների կողմից քաղաքացիներին հայհոյելու վերաբերյալ տեսանյութի հիման վրա ծառայողական քննություն է նշանակվել։
Հիշեցնենք, որ շիրակցի իրավապաշտպան Կարապետ Պողոսյանը ֆեյսբուքյան իր էջում տեսանյութ է հրապարակել՝ կից գրելով.
«18+ Տեսանյութը արվել է պարեկի մոտի վիդեոռեգիստրից, տրամադրվել է օրինական ճանապարհով օպերատիվ շտաբից
Ներողություն եմ խնդրում տեսանյութում հնչող հայհոյանքների համար
Տեսանյութում պարեկները կանգնեցնում են քաղաքացուն ծխելու համար, ապա տուգանում ամրագոտու համար։
Նյութում առկա է ոստիկանության կամայականությունները, լկտիությունը անպատժելիությունը
Պարեկները հայհոյում են շիրակցիներին, սպառնում բոլոր տաքսի վարողներին…»։
Ոստիկանությունից հայտնում են, որ տեղի ունեցածի կապակցությամբ նշանակվել է ծառայողական քննություն: Արդյունքների մասին կտրվի լրացուցիչ տեղեկատվություն: