Դե հիմի դու քո գնահատականը տուր, դու ի՞նչ ես
Անցած շաբաթ քննիչ հանձնաժողովի ինքնախոստովանական ցուցմունք-շոուի ժամանակ՝ մի շարք անիմաստ ու հակահայկական, ավելի շատ ադրբեջանական, թեզեր տիրաժավորելու շարքում կապիտուլյանտը հայտարարեց, թե՝ «Ապրիլյան պատերազմի ավարտից հետո զինադադարի պայմանագիր չի կնքվել ու պատերազմը փաստացի շարունակվել է մինչև 2020 թվականը»։ Հա, նշեմ, որ Ապրիլյանի հաղթանակը կասկածի տակ դնելու գործընթացը դրանք ֆուլ ռասկրուտկա են անում, արդեն 2 տարուց ավել է։
Ավելի աբսուրդ, անբարոյական ցնդաբանություն, համաձայնեք, դժվար է պատկերացնել։ Լավ, ո՞նց բացատրես այս անհայրենիքին, որ ապրիլի 4-ին պատերազմը կանգնեցվել է ադրբեջանական կողմի նախաձեռնությամբ ու խնդրանքով, որ գնացել ռուսների ոտքներն էին ընկել ու դադարեցվել է 1994-ի բնագծերով, այսինքն՝ հիմքը եղել է 1994-ի զինադադարի հայտնի եռակողմ տեքստը։ Ու էս նույն տրամաբանությամբ շարունակում ա, թե բա պատերազմը շարունակական ա եղել, ու նորից պայթել է 2020-ի սեպտեմբերին։ Դասական ջեբկիրի հոգեբանություն ունեցողը՝ հիմա էլ անցավ պատերազմին ու ուզում ա իրա ուղեղով պատերազմն էլ «գցի» նախկինների գրպանը։
Տո տնաքանդ, այսինքն նշանակում ա, որ, քո բառերով ասած, երկրում «պատերազմ» էր, ու դու էլ 2018-ին ուղիղ մի ամիս ներքաղաքական քաոս էիր սարքել, այսինքն դու գիտեիր, որ պատրազմող երկիր ա ու ցելով կաշա էիր սարքե՞լ։ Ինչքան էլ բարբաջես ու տարբեր պատճառներ մոգոնես, քննիչ հանձնաժողովներում լոլոներ կարդաս փաստ ա՝ պատերազմը դու ես բերել, ու միակ մեղավորն ու պատասխանատուն դու էս։
Դե հիմի դու քո գնահատականը տուր, դու ի՞նչ ես։
Արմեն Հովասափյանի ֆեյսբուքյան էջից
