Փոփոխված հանգամանքները թույլ են տալիս տեսանելի ապագայում խաղաղության պայմանագիր կնքել․ Պեսկով
Ներկա հանգամանքները թույլ են տալիս հուսալ տեսանելի ապագայում Ադրբեջանի և Հայաստանի միջև խաղաղության պայմանագրի կնքման հնարավորությունը, սակայն գլխավորը ոչ թե ժամանակը, այլ բոլոր հարցերի վերջնական լուծումն է։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը։
Նա նշել է, որ հաջորդ շաբաթվա վերջին Մոսկվայում կհավաքվեն Ադրբեջանի, Հայաստանի և Ռուսաստանի ներկայացուցիչները՝ քննարկելու կողմերի միջև առկա խնդիրները։
«Ինչպես ասվեց երեկ հանդիպման ժամանակ, հանգամանքները փոխվել են շատ առումներով, և իրականում հայեցակարգային առումով այս փոփոխված հանգամանքները թույլ են տալիս տեսանելի ապագայում խաղաղության պայմանագիր կնքել», – ասել է Պեսկովը։
