Մենք հաղթել ենք, երբ ունեցել ենք ուժեղ և հզոր ղեկավարներ
Վահան Բաբայանը ֆեյսբուքյան էջում գրել է․
«2016 թ․ ապրիլի 2 -ին սկսվեց քառօրյա արյունալի պատերազմը: Այն ժամանակ մենք հաղթեցինք,միանշանակ դա հաղթանակ էր, քանի որ կանխվեց թշնամու լայնածավալ հարձակումը և կնքվեց հրադադար:
Պատմությունը գրվում է փաստերով և փաստը այն է, որ հայ ժողովուրդը իր զինվորով և հրամանատարով թույլ չտվեց ադրբեջանական բանակին առաջ գալ: Ով ասում է, թե այդ պատերազմում մենք չենք հաղթել, առնվազն նենգափոխում է փաստերն ու իրականությունը:
Մենք հաղթել ենք, երբ ունեցել ենք ուժեղ և հզոր ղեկավարներ, նրանք մեծ դեր են խաղացել այդ հաղթանակներում:
Ապրիլյանում մենք հաղթեցինք նաև դիվանագիտական ճակատում, դա մի մեծ ճակատ էր, որտեղ զինվորի կողքին կանգնեց նաև դիվանագետը, խորհրդարանականը, քաղաքական դաշտը և ամբողջ ժողովուրդը:
Փառք մեր բոլոր նահատակված հերոսներին: Նահատակված մեր 75 հերոսների հիշատակը միշտ վառ է մնալու մեր բոլորի սրտերում»: