Հայաստանը կոչ է արել Եվրոպայի խորհրդին՝ ստիպել Ադրբեջանին կատարել ՄԻԵԴ-ի պահանջները
Եվրոպայի խորհրդում Հայաստանի մշտական ներկայացուցիչ Արման Խաչատրյանը կոչ է արել ԵԽ նախարարների կոմիտեին վճռական քայլեր ձեռնարկել, որպեսզի Բաքուն կատարի ՄԻԵԴ-ի հանձնարարականները:
«Դեսպան Խաչատրյանը փոխնախարարների խորհրդակցության ժամանակ նշել է, որ Ադրբեջանի կողմից Լաչինի միջանցքի շրջափակումը հանգեցնում է ծանր հումանիտար հետևանքների Լեռնային Ղարաբաղի համար։ Հայաստանը կոչ է անում նախարարների կոմիտեին վճռական քայլեր ձեռնարկել Ադրբեջանի կողմից ՄԻԵԴ-ի կողմից նշված ժամանակավոր միջոցների կատարումն ապահովելու համար»,- ասված է Twitter-ում ներկայացուցչության հաղորդագրության մեջ:
Դեկտեմբերի վերջին Հայաստանը երկու պահանջ էր ներկայացրել ՝ բացել միջանցքը և ապահովել Լաչինի միջանցքով անվտանգ երթևեկություն ծանր հիվանդ և ճանապարհին մնացած մարդկանց համար։ ՄԻԵԴ-ը բավարարել է միայն երկրորդ պահանջը և միջանկյալ միջոցառումների շրջանակներում դեկտեմբերի 21-ին Ադրբեջանին պարտավորեցրել է Լաչինի միջանցքով բաց թողնել ծանր հիվանդներին և նրանց, ովքեր չեն կարողանում հասնել իրենց մեկնելու վայրին։
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
