Մակրոնը Ալիևի հետ քննարկել է հայ-ադրբեջանական սահմանի վիճակը, խաղաղ բանակցությունների շուտափույթ մեկնարկը
Ֆրանսիայի նախագահ Էմանուել Մակրոնը Ադրբեջանի նախագահ Իլհամ Ալիևի հետ հեռախոսազրույցում վերահաստատել է Հայաստանի տարածքային ամբողջականությունը հարգելու իր պահանջը։ Տեղեկությունը հայտնում է Ելիսեյան պալատի մամուլի ծառայությունը։
«Պետության ղեկավարը ևս մեկ անգամ կոչ է արել Իլհամ Ալիևին վերադառնալ հրադադարի ռեժիմին և զինվորականներին վերադարձնել իրենց նախնական դիրքեր»,- ասվում է հաղորդագրության մեջ։
Մակրոնը Ալիևի հետ զրույցում հաստատել է նաև Հայաստանի վարչապետ Նիկոլ Փաշինյանի պատրաստակամությունը՝ շարունակելու բանակցությունները չլուծված հարցերի շուրջ՝ վստահեցնելով, որ Ֆրանսիան իր հերթին պատրաստ է ջանքեր ներդնել։