Զելենսկին շարունակում է պաշտոնանկությունները․ այս անգամ՝ ԱԽՔ առաջին տեղակալին
Ուկրաինայի նախագահ Վլադիմիր Զելենսկին իր հրամանագրով Ռուսլան Դեմչենկոյին ազատել է Ազգային անվտանգության և պաշտպանության խորհրդի (ԱԱԽ) քարտուղարի առաջին տեղակալի պաշտոնից։ Լուրը հայտնում է ՏԱՍՍ-ը:
Դեմչենկոն 2020 թվականի հունիսի 16-ին էր նշանակվել Ազգային անվտանգության և պաշտպանության խորհրդի քարտուղարի առաջին տեղակալ։ Մինչ այդ՝ 2019 թվականի հուլիսի 23-ից նա Զելենսկու խորհրդականն էր։
Նախկինում Դեմչենկոն տարբեր պաշտոններ է զբաղեցրել Ուկրաինայի ԱԳՆ-ում, ինչպես նաև երկրի մի քանի նախկին նախագահների վարչակազմերի կառուցվածքում։ 1992-1996 թվականներին աշխատել է ԱՄՆ-ում Ուկրաինայի դեսպանատանը, այնուհետև տեղափոխվել է նախագահի աշխատակազմի ղեկավարի տեղակալի պաշտոնը։ 2000-2005 թվականներին կրկին վերադարձել է դիվանագիտական կորպուս, աշխատել Ստամբուլում որպես Ուկրաինայի գլխավոր հյուպատոս, Սերբիայում և Չեռնոգորիայում՝ որպես դեսպան։