Թուրքերի «կտուրը կաթում է»…
Ավելի ու ավելի տագնապալի են լուրերը, ավաղ՝ Արցախի Հանրապետության մնացորդներից: Սեպտեմբերի 17-ին Արցախի-ԼՂՀ Պաշտպամության Բանակի մամուլի ծառայությունը հայտնել է, որ շփման գծում կովկասյան թաթարները չհրահրված կրակ են բացել, ՊԲ զինծառայողը վիրավորվել է: «Սեպտեմբերի 17-ին, ժամը 12.30-ի սահմաններում, Ադրբեջանի զինված ուժերը հերթական անգամ խախտել են հրադադարի ռեժիմը շփման գծի արևմտյան ուղղությամբ, ինչի հետևանքով վիրավորվել է ՊԲ զինծառայող, շարքային Վրույր Շահրամանյանը»,- ասված է ՊԲ-ի հաղորդագրության մեջ: Նշվում է, որ միջադեպի մասին տեղեկությունները փոխանցվել են տարածաշրջանում ռուսական խաղաղապահ զորախմբի հրամանատարությանը: Միջադեպի տարածքը, ինչպես նաև ՊԲ զինծառայողի վերքի ծանրությունը, չեն հստակեցվել:
Սա առաջին դեպքը չէ, երբ կովկասյան թաթարները խախտում են հրադադարի ռեժիմը: Բոլորս հիշում ենք, որ Ռուսաստանի պաշտպանության նախարարությունը օգոստոսի 12-ին հայտարարություն է տարածել, որում հաստատել է կովկասյան թաթարների զինված ուժերի (իսկ մեր կարծիքով, միանգամայն հնարավոր է, որ թուրքերը նույնպես մասնակցել են այդ սադրանքին) կողմից անօդաչու թռչող սարքերի օգնությամբ՝ Արցախի ՊԲ դիրքերին հարվածներ հասցնելու փաստը: Միջադեպը տեղի է ունեցել դրանից մի օր առաջ՝ օգոստոսի 11-ին: Սեպտեմբեր ամսվա ընթացքում գրանցվել է հրադադարի ռեժիմի խախտման մի քանի դեպք՝ Ռուսաստանի խաղաղապահ կոնտինգենտի գործողությունների շրջանում՝ հրազենի կիրառմամբ: Նման միջադեպերն առավել հաճախ արտահայտվում են օդ կրակելու տեսքով, չնայած, ըստ հայկական կողմի, կան կովկասյան թաթարների և թուրքերի զորքերի կողմից նաև Արցախի բնակավայրերի նպատակային գնդակոծման դեպքեր: Եվ սա այն դեպքում, որ Ստեփանակերտում է գտնվում ռուսական խաղաղապահ զորախմբի հրամանատարության շտաբը:
Մենք արդեն մեկ անգամ գրել ենք, որ կովկասյան թաթարների և թուրքերի այս ոտնձգություններն ու զինված սադրանքները Արցախում չեն դադարի, մինչև թշնամու յուրաքանչյուր կրակոցի համար պատասխան կրակոց չհնչի: Ավելին. քանի դեռ խաղաղության պարտադրման կայծակնային արագ գործողություն չի իրականացվի կովկասյան թաթարների և թուրքերի դեմ: Այս նույն իրավիճակն է Հայաստանի՝ «կովկասի-թաթարստան»-ի հետ սահմանի ամբողջ երկայնքով, ինչը քաջ հայտնի է Հայաստանի ողջ բնակչությանը…
Միևնույն ժամանակ, մենք նկատեցինք անսովոր լուրեր… Թուրքիայից: «Ermenihaber» տեղեկատվական-վերլուծական պորտալը սեպտեմբերի 17-ին հայտնել է, որ գլոբալ տաքացման հետևանքներն անդրադարձել են նաև Արարատ լեռան վրա, որն այժմ գտնվում է Թուրքիայում: Հայաստանի պետական խորհրդանիշ աստվածաշնչյան գագաթնակետի վրա ձյունն արագորեն հալվում է, ինչը չափազանց մտահոգիչ է բնապահպանների համար: Սա կարող է լրջորեն վնասել թուրքական զբոսաշրջությանը, որն արդեն բավականին երկար ժամանակ ներառել է լեռնագնացության բաղադրիչը: Թուրքական ԶԼՄ-ների հաղորդումների համաձայն՝ շոգ եղանակը Թուրքիայում հալեցրել է նույնիսկ Արարատի մինչ այժմ մշտապես ձյունածածկ հատվածները: Վերջին շաբաթների ընթացքում սառույցների հալեցման հետևանքով առաջացած ցեխահոսքերը հոսում են նրա լանջերից: Թուրք լեռնագնաց Մուստաֆա Թեքինը «Ermenihaber»-ին տված հարցազրույցում մտահոգություն է հայտնել, որ ներկայիս սերունդը ականատես կլինի, թե ինչպես է լեռան գագաթի վրա ձյունը ամբողջությամբ հալվում: Նրա խոսքերով՝ իրավիճակը «ծայրահեղ վատ» է, և այն միայն վատանում է: Արարատի մեծ և փոքր գագաթների (Մասիս և Սիս) բարձրությունը համապատասխանաբար կազմում է 5.165 և 3.925 մետր: Թուրքերը հաճախ Արարատն անվանում են «Թուրքիայի տանիք»:
Դե, քանի որ Հայաստանն ունի ոչ հայկական կառավարություն, որը չի ցանկանում պայքարել Հայաստանի և հայերի շահերի համար, ապա Աստված (լավ, կամ էլ՝ «գլոբալ տաքացում») միջամտում է՝ Թուրքիայի և պանթուրքիզմի բոլոր ծրագրերն ու նախագծերը ոչնչացնելու համար: Երևանի որոշ շրջանակների կողմից այդքան սիրված Թուրքիայի, պատկերավոր ասած՝ «տանիքը կաթում է»: Ինչպես գիտեք, երբ տանիքը հոսում է՝«կաթում է», ապա ամբողջ տանը սպառնում է ոչնչացում: Մենք առաջարկում ենք. միասին աղոթենք թուրքական «տան» գերարագ «փլվելու» համար…
Սերգեյ Շաքարյանց
