Աֆղանստանի Փանջշեր նահանգը դարձել է հակաթալիբական նաև զինված պայքարի հիմնական կենտրոն․ Ոսկանյան
Իրանագետ Վարդան Ոսկանյանը ֆեյսբուքյան իր էջում գրում է․
«Սոցիալական ցանցերի աֆղանական տիրույթում տարածվել է «Հյուսիսային դաշինքի» հռչակավոր հրամանատար Ահմադշահ Մասուդի որդու վերաբերյալ տեսանյութ, որտեղ նա խոսում է այն մասին, որ գտնվում է Աֆղանստանի Փանջշեր նահանգում։
Պարսկալեզու լեռնցիներով բնակեցված այս տարածքը թալիբները չեն կարողացել նվաճել ոչ 1990-ականներին, ոչ էլ այժմ։
Փանջշերից սերող Աֆղանստանի փոխնախագահ Ամրուլլահ Սալեհն էլ հայտարարել է, որ նախագահի փախուստից հետո ինքն է ստանձնել նախագահական պաշտոնը։
Այժմ Փանջշերը դարձել է հակաթալիբական նաև զինված պայքարի հիմնական կենտրոնը»։