Ցավ, գլխապտույտ, դող. Moderna ընկերության պատվաստանյութ ստացածների 82%-ի մոտ ներարկման տեղում ռեակցիա է առաջացել
Հայազգի ձեռնարկատեր Նուբար Աֆեյանին պատկանող Moderna ընկերության մշակած հակակորոնավիրուսային դեղամիջոցով պատվաստված անձանց 82 տոկոսը հայտնել է ներարկման տեղում առաջացած ռեակցիայի մասին:
Այս մասին նշված է ԱՄՆ հիվանդությունների վերահսկման և կանխարգելման կենտրոնի պաշտոնական կայքում:
Ըստ այդմ՝ ներարկումը ստանալուց հետո պատվաստվածների մոտ նկատվել են կողմնակի ազդեցություններ, մասնավորապես` ցավ, գլխապտույտ, ջերմության բարձրացում, հոգնածություն, դող, գլխացավ, մկանային ցավ և սրտխառնոց:
Նշվում է՝ պատվաստված անձանց 74,7%-ը պատկանել է 18-64 տարիքային խմբին, իսկ 25,3%-ը՝ 65 և բարձր:
