Բրիտանական բազայում տեղի ունեցած միջադեպից հետո ԱՄՆ-ն այնտեղից դուրս է բերել B-1 «անտեսանելի» ռմբակոծիչները

Բրիտանական Ֆերֆորդի բազայում տեղի ունեցած միջադեպից հետո ԱՄՆ-ն անվտանգության նկատառումներից ելնելով այնտեղից դուրս է բերել բոլոր B-1 «անտեսանելի» ռմբակոծիչները։ Այս մասին գրում է Wall Street Journal-ը՝ հղում անելով ԱՄՆ պաշտոնյաներին։

Wall Street Journal-ի տեղեկություններով՝ Ֆերֆորդում մոտ մեկ տասնյակ B-1 էր տեղակայված։

Թերթը, հղում անելով Պենտագոնին, հայտնում է, որ բոլոր ռմբակոծիչները տեղափոխվել են ԱՄՆ-ում գտնվող բազաներ՝ պահպանելով մարտական ​​պատրաստվածությունը։

Սեպտեմբերի 27-ին բրիտանական ոստիկանությունը հայտնեց Ֆերֆորդի ավիաբազայի մոտ տեղի ունեցած խոշոր միջադեպի մասին։ Բրիտանիայի 5 քաղաքացիներ են ձերբակալվել ահաբեկչական գործունեությանը և պայթուցիկ նյութերի հետ կապված հանցագործություններին առնչություն ունենալու կասկածանքով, հաջորդ օրը նրանց գրավի դիմաց ազատ են արձակել։ Հոկտեմբերի 1-ին իրանա-բրիտանական երկքաղաքացիություն ունեցող մի տղամարդ է ձերբակալվել։

Ֆերֆորդի բազան Եվրոպայում միակն է, որտեղ վայրէջք են կատարում ամերիկյան ռազմավարական ռմբակոծիչները։