Քարոզչական մթնոլորտը ծայրահեղ ծանր էր, ընդհուպ՝ ձերբակալություններ, նման բան առաջին անգամ ենք տեսնում․ ԱՊՀ ՄԽՎ խորհրդի գլխավոր քարտուղար
Քարոզչության մթնոլորտն իհարկե ծայրահեղ ծանր էր, ընդհուպ, մինչև ձերբակալություններ, կալանավորումներ, վիրավորանքներ։ Այս մասին ընտրությունների ընթացքի վերաբերյալ ԱՊՀ դիտորդների ասուլիսի ընթացքում ասաց ԱՊՀ ՄԽՎ խորհրդի գլխավոր քարտուղարը և քարտուղարության ղեկավար Դմիտրի Կոբիցկին։
«Առաջին անգամ եմ նման բան տեսնում ԱՊՀ անդամ երկրներում, թեև ՄԽՎ-ն մեր երկրներում ընտրությունների դիտորդություն է իրականացնում ավելի քան 30 տարի։ Ընդ որում, մենք ոչ միայն փորձում ենք մշտապես օբյեկտիվ լինել, այլև չեզոքություն ենք ցուցաբերում քաղաքական գործընթացների նկատմամբ, որոնք իրականացվում են մեր երկրների միջև, բայց նման ագիտացիոն գործընթաց վերջին մեկ տարում չենք տեսել»,- ասաց նա։
