Հունաստանի ափերի մոտ զբոսանավ է բռնկվել, որում 237 ուղևոր է եղել
Հունական ափերի մոտ՝ Հոնիական ծովում, իտալական «Եվրոֆեռի օլիմպիա» (Euroferry Olympia) զբոսանավում հրդեհ է բռնկվել, հայտնում է «ՌԻԱ Նովոստին»։
Նավում եղել է 237 ուղևոր և անձնակազմի ավելի քան 50 անդամ։
Զբոսանավը նավարկություն էր կատարում հունական Իգումենիցայի և իտալական Բրինդիզիի միջև։ Հրդեհը բռնկվել է հունական Կորֆու կղզու մոտ։
Նավին են մոտեցել երեք պարեկային մոտորանավակներ և առափնյա պահպանության երեք քարշակներ՝ ուղևորներին տարհանելու համար:
Տուժածների մասին տեղեկություն չի հաղորդվել, հրդեհի բռնկման պատճառները դեռևս հայտնի չեն։
«ՌԻԱ Նովոստիի» տեսանյութն այստեղ
