Անհայտ անձինք վնասել են Լրագրողի արձանը, տարել ձեռքը և ոտքերը
Անհայտ անձինք այսօր կոտրել են մարաքաղաքի Նոր Նորք համայնքի Սուրբ Աստվածածին եկեղեցու բակում գտնվող Լրագրողի արձանը, տարել՝ ձեռքը և ոտքերը /պղինձ/։ «Պատմամշակութային արգելոց-թանգարանների և պատմական միջավայրի պահպանություն» ՊՈԱԿ -ը ահազանգել է ոստիկանություն։
Լրագրողի արձանը բացվել է 2014 թ․ «Կառլեն և Սառա Եսայաններ» բարեգործական հիմնադրամի հովանավորությամբ և խորհրդանշում է անվախ, անկաշառ ու Հայրենիքի նվիրյալի կերպարը։ Մարմնավորում՝ ազատ խոսքի կրողների իրական պատմությունը` սկսած 1988 թթ-ի հայտնի իրադարձություններից։
Հիշեցնենք, որ վերջին շրջանում Երևանում հաճախակի են դարձել վանդալիզմի դեպքերը: Օրեր առաջ Կոմիտասի անվան պանթեոնից գողացել էին բանաստեղծուհի Շուշանիկ Կուրղինյանի կիսանդրին: Մարտի 13-ի լույս 14-ի գիշերն անհայտ անձինք գողացել էին Երևանի 2800-ամյակի այգու 7 բրոնզաձույլ արձաններից մեկը՝ նավակով երեխայի արձանը: Իսկ մարտի 7-ին հայտնաբերվել էր, որ անհայտ անձանց կողմից «ՀԱՅ ԲԱՐԵՐԱՐՆԵՐԻ ՃԵՄՈՒՂԻ» հուշահամալիրից առևանգվել են բոլոր հուշարձանների մետաղյա պատկերները:
