Ադրբեջանի ԱԳՆ-ն կրկին մեղադրել է Հայաստանին ականապատ դաշտերի քարտեզները չտրամադրելու մեջ
Ադրբեջանի ԱԳՆ-ն կրկին մեղադրել է Հայաստանին ականապատ դաշտերի քարտեզները իբր չտրամադրելու մեջ։
Այսօր ադրբեջանական մամուլն ավելի վաղ լուրեր տարածեց, թե իբր 4 ադրբեջանցի է պայթել ականի վրա Թերթերում և ևս մեկը՝ օկուպացված Ակնայում (Աղդամ):
Այդ երկրի գերատեսչությունից նշել են․ «Ականապատված տարածքների ճշգրիտ քարտեզների տրամադրումից հայկական կողմի հրաժարվելը խոչընդոտում է տեղահանվածների վերադարձին, ինչպես նաև Ադրբեջանի տարածքներում լայնածավալ վերանորոգման և վերականգնման աշխատանքների իրականացմանը, խաթարում է տարածաշրջանում խաղաղության գործընթացը: Միջազգային հանրությունը պետք է միավորի ջանքերը Ադրբեջանում ականային սպառնալիքի վերացման համար»։
