Հայաստանը այսօրվա գործող իշխանությունների ձեռքով իր պաշտպանական հնարավոր ռեսուրսը նվազեցնում է. քաղտեխնոլոգ
Հայաստանը այսօրվա գործող իշխանությունների ձեռքով արհեստականորեն իր պաշտպանական հնարավոր ռեսուրսը նվազեցնում է: Այս մասին այսօր՝ փետրվարի 24-ին, «Հայաստանը խաչմերուկում. ՀԱՊԿ, ՆԱՏՕ, թե արտադաշինքային կարգավիճակ» թեմայով քննարկումից առաջ լրագրողների հետ զրույցում ասաց քաղտեխնոլոգ Վիգեն Հակոբյանը:
«Պարզ է, որ եթե վարչապետը մի քանի օր առաջ հայտարարում է, որ պատերազմի վտանգը բավականին մեծ է և միաժամանակ փորձում է ցույց տալ դեմոնստրատիվ քայլերով, որ Ռուսաստանին վանում է իրենից, սա նշանակում է, որ Հայաստանը այսօրվա գործող իշխանությունների ձեռքով արհեստականորեն իր պաշտպանական հնարավոր ռեսուրսը նվազեցնում է: Պաշտպանական ռեսուրսը և բառի բուն իմաստով, և դիվանագիտական, քաղաքական իմաստներով: Իհարկե, միշտ էլ կարելի է ասել, որ ՌԴ-ն այն դաշնակիցը չէ, կամ այն սպասումները, որոնք տարիներ շարունակ ձևավորվել են ՀՀ-ում չի արդարացնում տարբեր պատճառներով: Մեզ համար նշանակություն չունի, թե Ռուսաստանի դրդապատճառները որն են, որ ինքը իր դաշնակցային-ռազմավարական պարտականությունները այն ծավալով չի կատարում, որ պետք էր, բայց մենք տեսնում ենք, որ այլընտրանք այդպես էլ չի առաջանում»,-ասաց նա:
Քաղտեխնոլոգի խոսքով՝ եթե վարչապետը ֆիքսում է, որ պատերազմի վտանգն իրական է, խաղաղության գործընթացն իրական է, և այս իրավիճակում միակ՝ լավ, թե վատ, պաշտպանական ռեսուրսը վանում է իրենից, դա նշանակում է, որ համոզմունք է առաջանում, որ ՀՀ-ն անպաշտպան է լինելու:
