ՀՅԴ Բյուրոյի ներկայացուցիչը Սամվել Շահրամանյանի հետ քննարկել է արցախահայերի Արցախ վերադարձի և այլ հարցեր
Փետրվարի 6-ին տեղի է ունեցել Արցախի Հանրապետության նախագահ Սամվել Շահրամանյանի և ՀՅԴ Բյուրոյի ներկայացուցիչ Հակոբ Տեր-Խաչատուրյանի հերթական հանդիպումը։ Հանդիպմանը մասնակցել է նաև ՀՅԴ Արցախի Կենտրոնական կոմիտեի ներկայացուցիչ Արթուր Մոսիյանը:
Քննարկվել է Արցախի պետական կառույցների պահպանման անհրաժեշտության, արցախահայերի Արցախ վերադարձի և այլ իրավունքների պաշտպանության, Հայաստանում արցախահայերի ընկերային-տնտեսական և իրավական վիճակի և մարդասիրական օժանդակությունների հետ կապված հարցեր:
ԱՀ նախագահը ներկայացրել է Արցախի կարգավիճակի և առաջիկա անելիքների առնչությամբ իր պատկերացումները:
ՀՅԴ Բյուրոյի ներկայացուցիչը ներկայացրել է ՀՅ Դաշնակցության և ՀՅԴ Հայ դատի գրասենյակների ու հանձնախմբերի կատարած աշխատանքները:
Որոշվել է հանդիպումները դարձնել շարունակելի։