Էստոնիայի իշխանությունները չեն երկարաձգել Ռուս ուղղափառ եկեղեցու մետրոպոլիտ Եվգենիի կեցության իրավունքը
Էստոնիայի իշխանությունները հրաժարվել են երկարաձգել Ռուս ուղղափառ եկեղեցու մետրոպոլիտ Եվգենիի կեցության իրավունքը՝ համարելով, որ դա սպառնալիք է երկրի անվտանգության համար: Ռուսաստանի քաղաքացի և Ռուսաստանի ուղղափառ եկեղեցու Էստոնիայի տեղական մետրոպոլիայի ղեկավար Եվգենին (Վալերի Ռեշետնիկով) փաստաթղթեր է ներկայացրել բնակության թույլտվությունը երկարաձգելու համար, ինչը նրան մերժվել է: Նա պետք է երկիրը լքի փետրվարի 6-ից հետո, երբ կլրանա գործող կացության կարգավիճակը։
«Պետությունը որոշել է մերժել երկարաձգումը, քանի որ Ռեշետնիկովն իր հրապարակային գործունեության մեջ, այդ թվում՝ հրապարակային ելույթներում, աջակցում է ագրեսորի գործողություններին և չի փոխել իր վարքագիծը՝ չնայած նրան նախկինում արված նախազգուշացումներին», – հայտարարել է Պիխյան պրեֆեկտուրայի սահմանապահ պահպանության բյուրոյի ղեկավար Ինդրեկ Արուն:
