Ադրբեջանում քրեական պատասխանատվություն կմտցվի զորքերի տեղաշարժի մասին տեղեկության տարածման համար

Քրեական պատասխանատվություն է սահմանվում Ադրբեջանի Զինված ուժերի տեղաշարժի կամ անձնակազմի, մարտական զենքի, զինամթերքների կամ ռազմական տեխնիկայի տեղակայման մասին տեղեկության տարածման համար։ Ինչպես տեղեկացրել է APA-ն, սա ներառվել է 284-2 նոր կետում, որն առաջարկվում է ավելացնել Քրեական օրենսգրքում, և երաշխավորվել է ներկայացնել Միլի մեջլիսի լիագումար նիստում։