Զախարովան հեգնանքով մեկնաբանել է ԵԱՀԿ-ից Ռուսաստանին հեռացնելու շուրջ բանավեճը
ՌԴ ԱԳՆ պաշտոնական ներկայացուցիչ Մարիա Զախարովան Telegram-ի իր ալիքում հեգնանքով մեկնաբանել է Հյուսիսային Մակեդոնիայի ԱԳ նախարար Բույար Օսմանիի խոսքերն այն մասին, որ ԵԱՀԿ-ից Ռուսաստանին հեռացնելու շուրջ քննարկումն իրեն սպառել է․
«Նման հա՞րց կար, ահա թե ինչ․․․բաց թողեցինք»,- նշել է նա։
Նշենք՝ դեկտեմբերի 1-ին Հյուսիսային Մակեդոնիայի ԱԳ նախարար Բույար Օսմանին հայտարարել էր, որ ԵԱՀԿ-ից Ռուսաստանին հեռացնելու մասին խոսակցությունն այս պահին իրեն սպառել է։ Ռուսաստանի արտգործնախարար Սերգեյ Լավրովն էլ ավելի վաղ հայտարարել էր, որ ԵԱՀԿ-ն անմխիթար վիճակում է։
