Տաթևիկ Վիրաբյանն ազատ արձակվեց
44-օրյա պատերազմում զոհված Գևորգ Վիրաբյանի քույրը` Տաթևիկ Վիրաբյանն ազատ է արձակվել։ Փաստաբան Արսեն Բաբայանը հայտնում է, որ Տ. Վիրաբյանը տան ճանապարհին է, այսօրվանից սկսվում է նրա երկամսյա տնային կալանքի ժամկետը:
«Անկալում եմ, որ երկու ամիս չի տևի և մոտ ժամանակներս Տաթևը կազատվի նաև տնային կալանքից:
Միաժամանակ տեղեկացնում եմ, որ արգելված է Տաթևի հաղորդակցությունն այլ անձանց հետ: Հյուր չգնաք, չզանգեք»,- գրում է Արսեն Բաբայանը։
Հիշեցնենք, որ Տաթևիկ Վիրաբյանին ներկայացվել է զանգվածային անկարգության կոչեր հնչեցնելու և այդ անկարգություններին մասնակցելու մեղադրանք: Նա սեպտեմբերի 24-ին կալանավորվել է երկու ամսով։
