ԱԺ օրակարգում հակասահմանադրական հարց է ներառվել․ «Հայաստան» դաշինքը Հռոմի ստատուտի վավերացման մասին
Ազգային ժողովի օրակարգում ներառվել է հարց, որը հակասահմանադրական է։ Այս մասին Ազգային ժողովի նիստում հոկտեմբերի 3-ին ասել է «Հայաստան» ընդդիմադիր խմբակցության քարտուղար Արծվիկ Մինասյանը։
«Ազգային ժողովը լիազորություն չունի քննարկման դնելու Հռոմի ստատուտի վավերացման հարցը՝ առանց Սահմանադրությունում փոփոխություններ կատարելու։ Ընդ որում՝ հաշվի չառնելով առկա բազմաթիվ ռիսկերը»,- ասել է խորհրդարանականը։
Մինասյանի կարծիքով՝ անհրաժեշտ է խոր և մտածված բանավեճ։