Բելառուսը զորավարժություններ է անցկացնում Լեհաստանի հետ սահմանին
6-րդ առանձին պահակային մեքենայացված բրիգադով սկսվում է հրամանատարաշտաբային զորավարժություն: Այս մասին օգոստոսի 7-ին հայտնել են Բելառուսի պաշտպանության նախարարությունից։
Զորավարժությունները կանցկացվեն Գրոդնոյի շրջանի Գոժսկի զորավարժարանում և տարածքներում: Զորավարժությունների ընթացքում կմշակվեն մարտական գործողությունների անցկացման ժամանակ ստորաբաժանումների հրամանատարության և վերահսկման հարցեր, հաղորդում է Белта-ն։
Հրամանատարաշտաբային զորավարժություններին նախապատրաստվելիս ակտիվորեն կիրառվել է հատուկ ռազմական գործողության փորձը։ Սա անօդաչու թռչող սարքերի համատարած օգտագործումն է, տանկային և մոտոհրաձգային ստորաբաժանումների սերտ փոխազդեցությունը ռազմական այլ ճյուղերի ստորաբաժանումների հետ։
Լեհական լրատվամիջոցները գրում են, որ դրան զուգահեռ Լեհաստանի իշխանությունները բանակին խնդրել են լրացուցիչ ուժեր ուղարկել Բելառուսի հետ սահման՝ անօրինական միգրանտներից պաշտպանվելու համար:
