Ռուսաստանի թշնամիները չեն թաքցնում իրենց գոհունակությունը, ոմանք էլ պատրաստվում են…

Ուկրաինայի նախագահ Վլադիմիր Զելենսկին սատարել է «Վագներ» մասնավոր ռազմական ընկերության (ՄՌԸ) հիմնադիր Եվգենի Պրիգոժինի գործողությունները, ում նկատմամբ ապստամբություն հրահրելու փաստի առթիվ քրեական գործ է հարուցվել, և պնդում է, որ Ռուսաստանը վերջին իրադարձությունների ֆոնին ցույց է տվել իր «թուլությունը»:

Ուկրաինայի պաշտպանության նախարարության հետախուզության գլխավոր վարչության պետ Կիրիլ Բուդանովը փաստացի արդարացրել է Պրիգոժինի գործողությունները։ Այս երկու տեղեկությամբ թերևս ամեն ինչ ասված է…

Ինչպես հայտնել է CNN հեռուստաընկերությունը, ԱՄՆ նախագահ Ջո Բայդենին հունիսի 24-ի առավոտյան կրկին տեղեկացրել են Ռուսաստանում տիրող իրավիճակի մասին:

ՌԴ ոխերիմ թշնամիներից ԱՄՆ պետքարտուղար Էնթոոնի Բլինքենը G7-ի իր գործընկերների և Ռուսաստանի ոխերիմ թշնամիներից մեկ ուրիշի՝ Եվրամիության (ԵՄ) արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հետ քննարկել է Ռուսաստանում տիրող իրավիճակը:

Բորելը հայտարարել է, որ Ռուսաստանում տիրող իրավիճակի վերաբերյալ բանակցություններ է վարել Յոթնյակի ԱԳ նախարարների հետ, և տեղեկացրել ԵՄ-ում ճգնաժամերին արձագանքման կենտրոնի ակտիվացման մասին, որն ապահովում է իրավիճակի մոնիթորինգ և խորհրդատվություն:

Ի պատասխան Եվգենի Պրիգոժինի գործողությունների շուրջ ստեղծված իրավիճակը մեկնաբանելու խնդրանքին, Հյուսիսատլանտյան դաշինքի ներկայացուցիչն ասել է՝ «ՆԱՏՕ- ն վերահսկում է Ռուսաստանում զարգացող իրավիճակը»:

Մեծ Բրիտանիայի վարչապետը հայտարարել է, որ մտադիր է օրվա ընթացքում Լոնդոնի դաշնակիցների հետ քննարկել Ռուսաստանում տիրող իրավիճակը:

Ֆրանսիայի նախագահ Էմանուել Մակրոնն ուշադիր հետևում է «Վագներ» մասնավոր ռազմական ընկերության հետ կապված իրավիճակին, այս մասին նշված է Ելիսեյան պալատի հաղորդագրության մեջ: Երկրի ԱԳՆ-ից հայտնել են, որ Ֆրանսիայի Եվրոպայի և արտաքին գործերի նախարար Կատրին Կոլոննան Ռուսաստանի իրավիճակի առնչությամբ կապի մեջ է Յոթնյակի խմբի երկրների իր գործընկերների հետ:

Գերմանիայի կառավարության ներկայացուցիչը, իր հերթին, հայտնել է, որ Գերմանիայի կառավարությունը հետևում է ՌԴ-ում իրավիճակին:

Իտալիայի վարչապետ Ջորջ Մելոնին ուշադիր հետևում է «Վագներ»- ի հետ կապված իրավիճակին:

Ֆրանսիայի Եվրոպայի և արտաքին գործերի նախարար Կատրին Կոլոննան կապի մեջ է Ռուսաստանի իրավիճակի վերաբերյալ Յոթնյակի խմբի երկրների իր գործընկերների հետ, հայտնել են երկրի ԱԳՆ-ից:

 

Արթուր Հովհաննիսյան