ՀՀ ԱԳՆ-ը ցավակցել է Հնդկաստանում տեղի ունեցած ողբերգական վթարի կապակցությամբ
ՀՀ արտաքին գործերի նախարարությունը ցավակցել է Հնդկաստանում գնացքների բախման հետևանքով տեղի ունեցած ողբերգական վթարի կապակցությամբ:
«Խորապես վշտացած Օդիշա նահանգի Բալասորե քաղաքում տեղի ունեցած գնացքի ողբերգական վթարից: Հայաստանը կիսում է եղբայրական Հնդկաստանի մարդկանց վիշտը:
Մեր սրտանց ցավակցություններն ենք հայտնում զոհվածների ընտանիքներին և աղոթում վիրավորներին շուտափույթ ապաքինման համար»,- ասվում է ՀՀ ԱԳՆ թվիթերյան գրառման մեջ:
Ավելի վաղ հայտնել էինք, որ առնվազն 288 մարդ զոհվել, 850 հոգի տուժել է երկու ուղևորատար և բեռնատար գնացքների բախման հետևանքով հնդկական Օդիշա նահանգում։