Ստեփանակերտում մեկնարկել են դպրոցականների հնգամարտի մրցումները՝ սպարտակիադայի ծրագրով
Այսօր, մայիսի 11-ին, Արցախի Հանրապետության կրթության, գիտության և սպորտի նախարարության նախաձեռնությամբ՝ Ստեփանակերտի Ս. Շահումյանի անվան մարզադաշտում մեկնարկել են սպարտակիադայի ծրագրով նախատեսված հնգամարտի մրցումները:
«Արցախպրես»–ի թղթակցի հետ զրույցում գլխավոր մարզիչ Կարեն Մելքումյանը տեղեկացրել է, որ մրցումներին մասնակցում է Մարտունու, Ասկերանի, Մարտակերտի շրջանների և մայրաքաղաքի հանրակրթական դպրոցների 7- 9-րդ դասարանների շուրջ 40 աշակերտ
«Յուրաքանչյուր թիմում ընդգրկված են հնգական աղջիկներ և տղաներ: Նրանք կմրցեն մի շարք մարզաձևերից՝ գնդակի նետում, ցատկ տեղից, վազք, ձգումներ պտտաձողի վրա և այլն:
Մրցումները կտևեն երկու օր»,-մանրամասնել է Կ. Մելքումյանը՝ հավելելով, որ հաղթող թիմն այնուհետև մասնակցություն է ունենում Հայաստանի Հանրապետությունում սպարտակիադայի ծրագրով անցկացվող հնգամարտի մրցումների եզրափակիչ փուլին: