Սամվել Կարապետյանը արձագանքել է Հռոմի ստատուտի վերաբերյալ Հայաստանի հնարավոր որոշմանը
Հայ գործարարների ասոցիացիայի նախագահ, «Տաշիր» ընկերությունների խմբի հիմնադիր Սամվել Կարապետյանը արձագանքել է Հռոմի ստատուտի վերաբերյալ Հայաստանի հնարավոր որոշմանը․
«Անընդունելի է վտանգել Հայաստանի և Ռուսաստանի միջև դարավոր բարեկամական կապերը, ինչպես նաև երկու երկրների ժողովուրդների գործընկերային հարաբերությունները։ Նման գործողություններն ուղղակի վտանգի տակ են դնում հայ-ռուսական հարաբերությունները»,- նշել է նա։
Կարապետյանը հիշեցրել է՝ Ռուսաստանը հայաստանի արտաքին տնտեսական և առևտրային առաջատար գործընկերն է, ինչպես նաև անվտանգության երաշխավորը։ Իսկ ռուս-հայկական հարաբերությունների խաթարումը, ըստ Կարապետյանի, կարող է մարտահրավեր դառնալ Լեռնային Ղարաբաղի անվտանգության հարցում(որն այժմ ապահովում են ՌԴ խաղաղապահները):
