Մենք քաղում ենք Ադրբեջանի անպատժելիության պտուղները. Արցախի արտգործնախարար
Ադրբեջանը պետք է պատասխանատվության ենթարկվի: Այս մասին այսօր՝ հունվարի 12-ին, Ստեփանակերտ-Երևան «Արցախ․ շրջափակման ամիս» թեմայով տեսակամուրջի ժամանակ ասաց Արցախի արտաքին գործերի նախարար Սերգեյ Ղազարյանը։
«Այժմ մենք քաղում ենք Ադրբեջանի անպատժելիության պտուղները»,- հավելել է նախարարը։
Ադրբեջանը դեկտեմբերի 12-ից շրջափակում է Լեռնային Ղարաբաղի Հանրապետությունը։ Այսօր Արցախի ԱԳՆ-ը հայտարարություն է տարածել՝ Բաքվի գործողությունները գնահատելով որպես 2020 թվականի ագրեսիվ պատերազմի շարունակություն:
Ոչ այն ժամանակ, ոչ էլ հիմա միջազգային հանրությունը, չնայած Ադրբեջանի ու Թուրքիայի ակնհայտ հանցագործություններին, արդյունավետ քայլեր չձեռնարկեց։ Ընդհակառակը, արևմտյան երկրները՝ ի դեմս ԵՄ-ի, երկակի ստանդարտներ դրսևորելով Ադրբեջանին հռչակեցին «վստահելի գործընկեր»։
