Աղմկահարույց գործերի ներկայիս խայտառակությունը (տեսանյութ)
Ժաննա Ծառուկյանի «Մտորենք միասին» հեղինակային հաղորդաշարի հյուրն է փաստաբան Աննա Ծառուկյանը։
Փաստաբանն ամփոփելով տարին՝ անդրադարձ է կատարել իր վարույթում գտնվող մի քանի հնչեղ գործերի, որոնք տեսանելի են դարձնում իրավական համակարգի ողջ փայլն ու թշվառությունը։
Մանրամասն վերլուծության է ենթարկվել «Ազգային անվտանգություն» կուսակցության նախագահ Գառնիկ Իսագուլյանի քրեական գործը և դատական ընթացքը, ինչ է կատարվում իրականում, ինչու վկաները չեն դատակոչվում և ինչ կարելի է ենթադրել այդ ամենից։
Զուգահեռ խոսել ենք նաև Անդրանիկ Հովհաննիսյանի գործից, որը կապակցված է Իսագուլյանի քրեական գործին։ Աննա Ծառուկյանը ներկայացրեց այն իրողությունը, որը առկա է Անդրանիկ Հովհաննիսյանի գործում, կիսվեց իր տպավորություններով, թե ինչու է արգելվում Հովհաննիսյանի մուտքը Հայաստան, մի պարագայում, որ եթե կա հանցանք, ապա գոնե պետք է տեղում տեղի ունենար ձերբակալություն։
Ամփոփելով քաղաքական հետապնդում պարունակող գործերը՝ փաստաբանը վստահություն և հույս հայտնեց, որ արդարադատությունը հաղթանակելու է՝ հաշվի առնելով այն փաստերը, որոնք առկա են իրենց ձեռքի տակ և այն համառությունը, որով առաջնորդվում են։
Հաղորդման շրջանակներում խոսել ենք նաև մեկ այլ ոչ պակաս հնչեղություն ունեցող քրեական գործից, որն առնչվում է Վահագն Աբգարյանին։ Աննա Ծառուկյանը որոշակի ուշագրավ փաստեր և օրինակներ բերեց, որը վկայում է գործի «ջուր» լինելը։
Մանրամասները՝ տեսանյութում
