Նա հերթական անգամ ձախողվել է
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է
«Համեմատեք Սերժի ու Նիկոլի ժամանակների ՀԱՊԿ գագաթնաժողովների արդյունքներն ու կհասկանաք, որ պրոբլեմը Նիկոլի մեջ է։
Երբ շուրջ 20 րոպե Փաշինյանն ելույթ է ունենում ՀԱՊԿ գագաթնաժողովում, բայց այդ ելույթին չի հաջորդում որևէ հայանպաստ ու արդյունավետ որոշում, նշանակում է՝ նա հերթական անգամ ձախողվել է։
Համեմատության համար նշեմ, որ Ապրիլյան պատերազմից հետո, 2016-ի հոկտեմբերի 14-ին Երևանում կայացած ՀԱՊԿ գագաթնաժողովը ճանաչել է Արցախի ժողովրդի ինքնորոշման իրավունքի իրացումն ու կարևորել Վիեննայի և Սանկտ Պետերբուրգի հայանպաստ պայմանավորվածությունների իրականացումը։
Այնպես որ, Սերժի ժամանակ Պուտինը, Լուկաշենկոն ու Նազարբաևն էին հայանպաստ հայտարարություն ընդունում, իսկ Նիկոլի ժամանակ այնքան է տխուր վիճակը, որ հենց Նիկոլն է ստիպված հրաժարվում հայտարարության ստորագրումից։
Ասել ռուսին՝ до чего мы докатились»։
