Դուք եք Ադրբեջանի 5 կետերին համաձայնել․ հիմա եկել ԱԺ-ում ի՞նչ «լոլո» ես խոսում
ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է․
«Երբ խայտառակության ու պատերազմի միջև ընտրում ես խայտառակությունը, ստանում ես և պատերազմ, և խայտառակություն։
Այն, որ Ադրբեջանի ղեկավարությունը հայատյաց է ՝ փաստ է, բայց ակնհայտ փաստ է՝ Փաշինյանը տապալել է և խաղաղության օրակարգը, և ՀՀ անվտանգությունը։
Ասում է ՝ պետք է ամեն գնով պաշտպանենք ՀՀ սահմաններն ու բարեփոխենք բանակը..
Իրո՞ք։
Բա 2021-ի մայիսից սկսած Ադրբեջանն առանց կռվի Հայաստանի ինքնիշխան տարածքի 41 քառ.կմ գրավել է, ի՞նչ ես արել դրա դեմ։
Ոչինչ։
44-օրյա պատերազմից հետո բացի բանակ թուլացնելուց ու քանդելուց, ի՞նչ զենքեր ու զինամթերք եք բերել։
Պատասխանն ակնհայտ է:
Պատերազմից հետո որևէ քպ-ական պատգամավոր ու ոչ էլ Փաշինյանը չի պատասխանել Ալիևի հայատյաց ելույթներին։
Ու այդ ամենը հանգեցնելու էր այսօրվա ահաբեկչական հարձակմանը։
Պաշտոնական տվյալներով 49 նահատակ ունենք, քպ-ականներն ասում են՝ սադրանք։
Ի՞նչ սադրանք։
Կամ ու՞մ վրա եք մուննաթ գալիս։
Դուք եք Ադրբեջանի 5 կետերին համաձայնվել։
Հիմա եկել ԱԺ-ում ի՞նչ «լոլո» ես խոսում։
Աստված մեր նահատակների հոգիները լուսավորի։