Արցախ են ներկրվել 68 գլուխ տոհմային հղի երինջներ (տեսանյութ)
Մայիսի 4-ին Գերմանիայից Արցախի Հանրապետություն են ներկրվել 68 գլուխ հոլշտեյն ցեղի տոհմային հղի երինջներ, որոնք հավասարապես բախշվել են «Տոհմային կայան» ՓԲԸ և «Արմագրո» ՍՊԸ միջև: Այս մասին տեղեկացրել է Արցախի գյուղատնտեսության նախարարությունը։
Տոհմային կենդանիներն Արցախ են ներմուծվել ԱՀ գյուղատնտսության նախարարության՝ «Արցախի Հանրապետություն ներմուծվող տոհմային կենդանիների արժեքի մասնակի սուբսիդավորման ծրագրի» շրջանակում՝ «Սմարթ Ագրո» ՓԲԸ աջակցությամբ:
Ծրագրով նախատեսվում է պետության կողմից կենդանիների արժեքի 50 տոկոսի փոխհատուցում: Ի դեպ, «Տոհմային կայան» ՓԲԸ-ն առաջին անգամ է համալրվում տոհմային կովերի հոլշտեյն ցեղատեսակով:
Ըստ ԱՀ գյուղատնտեսության նախարարության աշխատակազմի անասնբուծության և անասնաբուժության վարչության ներկայացուցիչների, տոհմային կենդանիներն Արցախ են ներկրվել տեղական նախրի բարելավման, կաթնատվության և մթերատվության բարձրացման նպատակով:
