ԱՄՆ-ը դիտարկում է պետքարտուղար Բլինկենի կամ Պենտագոնի ղեկավարի այցը Կիև՝ Զելենսկու հետ հանդիպման նպատակով
ԱՄՆ վարչակազմը դիտարկում է Կիև իր ներկայացուցչին ուղարկելու հարցը, այդ թվում՝ պետքարտուղար Էնթոնի Բլինքենին կամ Պենտագոնի ղեկավար Լլոյդ Օսթինին՝ Վլադիմիր Զելենսկու հետ հանդիպելու և Ուկրաինային աջակցություն ցույց տալու համար, չորեքշաբթի գրել է «Փոլիտիկոն»՝ վկայակոչելով ԱՄՆ անանուն պաշտոնյաներին։
Ըստ այդ տվյալների՝ այս հարցի վերաբերյալ վերջնական որոշում դեռ չի կայացվել։ Թեկնածուներն առայժմ պետության ղեկավար Ջո Բայդենը և ԱՄՆ փոխնախագահ Քամալա Հարիսն են, սակայն, ըստ աղբյուրների, ամենահավանական սցենարն այն է, որ երկրի դիվանագիտական կամ պաշտպանության գերատեսչության ղեկավարը կմեկնի Կիև։
Ինչպես նշել են հրատարակչության զրուցակիցները, այս այցի մասին, ամենայն հավանականությամբ, նախապես չի հայտարարվի անվտանգության նկատառումներից ելնելով։ Նման ճանապարհորդության ժամկետը դեռ որոշված չէ։ Ավելին, աղբյուրները չեն բացառում, որ ԱՄՆ վարչակազմի ներկայացուցչի այցը Կիև կարող է ընդհանրապես չկայանալ Ուկրաինայում ռազմական գործողությունների «անկայուն բնույթի պատճառով»։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։