Որքան ժամանակով են ՀԱՊԿ խաղաղապահ ուժերը մեկնում Ղազախստան․ պարզաբանում է ՀԱՊԿ գլխավոր քարտուղարը
Ղազախստանում ՀԱՊԿ խաղաղապահների ներկայության տևողությունը կախված կլինի իրավիճակից և հանրապետության ղեկավարության որոշումից։ Այս մասին ՌԻԱ Նովոստիին հայտնել է ՀԱՊԿ գլխավոր քարտուղար Ստանիսլավ Զասը։
«Մենք ակնկալում ենք, որ կազմակերպության ուժերը Ղազախստանում երկար չեն մնա՝ մի քանի օր կամ շաբաթ»,- ՌԻԱ Նովոստիին տված բացառիկ մեկնաբանությունում հայտնել է ՀԱՊԿ գլխավոր քարտուղարը։
Զասը նաև հավելել է, որ ՀԱՊԿ-ի բոլոր զորքերը դուրս կբերվեն Ղազախստանից գործողության ավարտից հետո։
ՀԱՊԿ գլխավոր քարտուղարի խոսքով՝ Ղազախստանում տեղի ունեցող իրադարձությունները ռեալ վտանգ են ներկայացնում երկրի անվտանգության և տարածքային ամբողջականության համար։