Ի՞նչն է ավելի ազնիվ՝ կանխե՞լ ազգիս ինքնասպանությունը թե՞ վերահաս մահից հետո արձանագրել, որ մենք այս անգամ ևս ճիշտ էինք
Երեկ շատերը չնկատեցին, որ Թուրքիայի նախագահը Պուտին-Բայդեն թեժ բանավեճի մեջ է խառնվել, քննադատելով ԱՄՆ նախագահին և «մեծահոգաբար» պաշտպանելով ՌԴ նախագահին։
Երեք դիտարկում, որ կարևոր են նաև մեզ համար։
- Էրդողանը աշխարհաքաղաքական իմաստով արդեն «այդքան կա», որ հրապարակայնորեն փորձում է խառնվել աշխարհի հզորների վեճին։
- Պուտինը Էրդողանի աջակցության կարիք, բնավ, չունի։ Սակայն Էրդողանի այս քայլը ակնհայտ հեռավար հաշվարկ ունի՝ Մոսկվայի գլխի տակ դրվող արեւելյան փուսքյուլներով փափուկ բարձից սկսած վերջացրած կոնկրետ շահերով, այդ թվում՝ Արցախում։
- Թուրքիան շարունակելու է առավելագույնը քաղել Ռուսաստան-Արևմուտք լարվածության պարույրի նոր պտույտից։ Հիշեցնեմ, որ օրերս նույն Էրդողանը ԲԼՈՒՄԲԵՐԳ-ում հոդված էր հրապարակել, խնդրելով Արևմուտքից օգնություն Ռուսաստանի աջակցությունը վայելող Ասադի, ինչպես նաեւ քրդերի դեմ պայքարում։
Գլոբալ վտանգավոր տեղաշարժերի մեջ կրկին հարց տվեք ձեզ. ի՞նչն է ավելի ազնիվ՝ կանխե՞լ ազգիս ինքնասպանությունը թե՞ վերահաս մահից հետո արձանագրել, որ մենք այս անգամ ևս ճիշտ էինք…
Արմեն Աշոտյան
