Ադրբեջանցիները երկու կողմից մոտեցել են Սյունիքի մարզի Ագարակ համայնքին. Ագարակի գյուղապետ
«Ադրբեջանցիները երկու կողմից մոտեցել են Սյունիքի մարզի Ագարակ համայնքին՝ մի կողմից դիրքերը մոտեցրել են 4կմ, մյուս կողմից 1: Ադրբեջանցիները պարբերաբար կրակոցներ են արձակում»,-այս մասին «Փաստինֆո»-ի հետ զրույցում ասել է Ագարակի գյուղապետ Հայկ Սարգսյանը՝ հավելելով, որ դրանք անկանոն են՝ դեպի օդ:
Ագարակում 40 տուն կա, նախկինում գյուղի մաս հանդիսացող տարածքները հիմա դիրքերի են վերածվել։ Իշխանություններից օգնություն չեն առաջարկել, գյուղին աջակցում է միայն համայնքապետը։
Եղվարդի համայնքի ղեկավար Սպարտակ Զաքարյանը նույնպես ասել է, որ իրենց համայնքում ևս կրակոցները լսելի են:
Մինչդեռ ՀՀ ՊՆ-ը կեղծում է իրականությունը, ամեն օր հայտարարելով, թե սահմանային միջադեպեր չեն արձանագրվում:
