Ռուս խաղաղապահները հումանիտար օգնութուն են փոխանցել Խնածախ գյուղի բնակիչներին. ՌԴ ՊՆ
Ռուսական խաղաղապահ զորակազմի հումանիտար արձագանքման կենտրոնի մասնագետները հումանիտար օգնություն են հատկացրել Լեռնային Ղարաբաղի Ասկերանի շրջանի Խնածախ գյուղի բնակիչներին և այն ապրող տեղահանված անձանց: Այս մասին ասվում է ՌԴ ՊՆ տեղեկագրում:
Հաղորդվում է, որ հումանիտար ակցիան խաղաղապահներն իրականացրել են գյուղի վարչական շենքում: Բնակիչներին մոտ մեկ տոննա հումանիտար ապրանքներ են փոխանցել, այդ թվում՝ մանկական և մեծահասակների կոշիկներ, հագուստ և կենցաղային պարագաներ, ինչպես նաև դպրոցական փաթեթներ 1-5-րդ դասարանի 40 աշակերտի համար:
Ակցիայի շրջանակում օգնություն է հատկացվել Խնածախի ավելի քան 800 բնակչի:
